اهم ما يميز المصريين هو اننا جميعا نتصرف كاعلم العلماء واحكمهم ونظهر فى شتى المواقف بمظهر العالم ببواطن الامور ولا نترك كبيره ولا صغيره والا عرضناها للانتقاد فهذه هى الصحف والمدونات وغيرها تحمل كل يوم انتقادات ورؤى مغايره لكل ما فى المجتمع
واحد صاحبى قال لى مره (لما تشوف الناس فى مصر هاتلاقى حاجه غريبه يا اخى الكل ينفع يشتغل مدير مفيش عمال ولا غفر ولما نلعب او نتفرج على كوره تلاقينا كلنا فراوده وكوتشات) الكلام ده فعلا صحيح احنا عمالين ننتقد ولما تقول لحد طب ليه انت ساكت على الوضع اللى انت شايفه يرد ويقول هو انا بايدى ايه ولكنه فى نفس الوقت عمال بينتقد ويقول هما عملوا كذا فى الموضع الفلانى ليه مش كاموا يعملوا كيت احسن
عشان كده ان قررت نكون ايجابيين لو مره واحده واخطكم امام مسئولياتكم ،،،،،،،،، تخيل نفسك بقيت رئيساً ايوه رئيس
نمت صحيت على جرس الباب بيرن قمت فتحت لقيت مصر المخروسه على الباب بتقولك - طبعا بالاشاره -انت بقيت رئيس ويالا بقى يا حلو فرجنا هاتعمل ايه وهاتتصرف ازاى وطبعا يا ساده باب الانتقادات مفتوح اللى شايف ان زميله المدون وهو رئيس غلط فى حاجه يقول وما يسكتلوش وينتقده على طول
نحن فى الانتظار
هناك 10 تعليقات:
هو انتم حذفتم تعليقي فينا من كدة؟
باش مهندس الموضوع كله انا كتبته امبارح بالليل جيت الصبح مالقتوش قمت كاتبه تانى من الذاكره ومقرتش تعليقك خالص
كنت باقول أول يوم حالم المتخصصين واعمل لجان متخصصة في كل مجال من أصحاب الخبرات العالية لدراسة الوضع الحالي في كل المجالات ومن ثم تحديد الاحتياجات للإصلاح
ولجنة لإعداد الدستور الإسلامي تنسق مع كل اللجان السابقة لصياغة تراعي كافة النواحي
ومن ثم لجنة من علماء الدين لصياغة القوانين والمحاكم الشرعية
وإعلان حالة التقشف العام في الإنفاق الحكومي ومش فاكر بقة
بس متهيأ لي حيكون من ضمن قراراتي إني اعدمك انت وصاحب المدونة دي عشان تعليقي اللي ضاع
السلام عليكم سياده الرئيس الباشمهندس عصفور انا برئ من مسح التعليق افكار مسلم هو اللى مسح التدوينه ومسح التعليق معاها بطريق الخطأ ده الى عرفته النهارده وطبعا انا اول الخسرانين لانى اتحرمت من التعليق الاول اسفين يا فندم و
تقدر تعتبر ده التماس باعادة النظر فى قرار الاعدام
السلام عليكم
أرسل لكم تعليقى طالبا منكم إعفائى من هذا المنصب كل ما هنالك إن التغيير لم يكن فى رأيى ليأتى من أعلى الهرم السلطوى بل المشكلة تكمن فى النسيج نفسه القماش نفسه يحتاج إلى تحسينات
ولو أصررتم سأقبل تحت الضغط الجماهيرى - المفتعل كما العادة -وسأنتقل فورا إلى قيادات الصف الثانى وأبدأ فى تدريبهم وفى نفس الوقت أستمع لأرائهم وتقديراتهم ثم إحلا لوتجديد تدريجى على كافة المستويات القيادية ترافقها حملة تطهير شاملة ضد الفساد الإدارى بإمرة رجال القضاء وتكليف أستاذة القانون بصياغة القوانين طبقا للشريعة وللعلم هى موجودة طبقا لتصريحا اتلدكتور صوفى أبو طالب
يهمنى فى ذلك المجال أن أؤكد على مصالحة شاملة مع كافة الفصائل السياسية وأيضا مد الجسور للكوادر المصرية بالخارج لوضع وتنفيذ أجندة إصلاح شاملة وتكثيف الجهود لتعود ثقة المصرى بحكومته دافعا للتقدم
وساتنحى طواعية لصالح رئيس منتخب بنزاهة بعد 3أعوام أكون قد جهزت فيها القوائم الإنتخابية وتجرى هذه الإنتخابات تحت الإشراف القضائى وبسمع وبصر العالم
اول حاجة هعملها بعد ما ابقى رئيس
انى ساتنازل عن السلطة لأنى غير مهيأ للحكم ولكن سأضع نواب تختاروا منهم
مش اى حد يبقى رئيس مش كل اللى ضرب طلقة يبقى نشانجى ومش كل اللى صفر بقى كمسرى
بس بجد لازم بطانة تخاف الله على كل الاحوال
تحياتى
لو حصل وبقيت رئيس للجمهوريه هأمم كل المدونات عشان محدش يوجع دماغي وأنا بصلح البلد دي :D
تحياتي
السلام عليكم
نشكر الساده الرؤساء اللى هايتنازلوا واللى مش هايتنازلوا ولو انى لى راى فى موضوع التنازل ده هو ان الرئاسه حاليا فى العصر الحديث لم تعد متعلقه بشخص الرئيس انما الموضوع بيعتمد على مؤسسات ومستشاريين ومنهج يمشى عليه الرئيس او غيره
طال الليل
=========
شكرا على قبولكم المهمه ويالايت ترشح نفسك فى الانتخابات _طبعا تحت ضغط من الجماهير_
الطائر الحزين
================
شكرا ياترى انا هاكون من ضمن النواب ولا هاتخلينى بطانه
عيون مصر
=========
شكرا لكم واعتقد ان شريط اسبرين مسكن للصداع اسهل من تاميم المدونات يا باشا لان التاميم هايحتاج مدونين بدلاء وقصه كبيره وهايطلع اختراع تانى غير المدونات يعمل حمله بقى على المدونات اللى اتاممت ويقولوا مدونات موجهه وكلام يصدع اكتر فيبقى شريط اسبرين افضل
وشكرا
أول حاجة هقبض عليك
لانك تبث أفكار الغرض منها الانقلاب على الحاكم ( أنا طبعاً)
وهقفل جميع المدونات وطبعا هلم فى الاخوان وأكسر عضمهم
وهسيب بتوع الحزب الناصرى والغد لان صتهم حلو بيتكلمو كتير
يا مان اية الكلام دة هو انته لسه ما اتقبضش عليك خليك فايق كدة , وطبعا انا هرد على الموضوع بس ثوانى اولع سجارة واصب كوبية ببسى علشان امخمخ كدة وارد عليك لان انا ساهرن من امبارح وعلية المناديل اللى فيه 750 مناديل خصت النص من البرد.
اول:
هأممم حديد عز
وقناة السويس و ترعة المنصورية والغاز الطبيعى والشوراع والناس والبلد
(طبعا لانها اتباعت )
الثانى:
اجيب الملفات القديمة كدة قدامى اضبطها وافتحها من جديد
1- العساكر اللى اتقتلت على الحدود
2- الناس الى اتقتلت فى القناة
3- بيع الغاز الطبيعى لاسرائيل
4 - ملف يوسف والى والسرطان
5- المعتقلات وظباط الشرطة
6- حسابات المسئولين والرئيس وولادة اللى برة
الثالث:
اريح شوية
الرابع:
اعمل جريدة بدل الجرئد القومية مهمتها انتقاد الرئيس بسبب وبدون سبب , دة هيبقى كورس اجبارى فى المدارس والثانوية العامة والشوراع
الخامس:
اعين اصحابى وحبايبى فى كل حتة علشان يصلحوا البلد (اللريس بقى)
السادس:
اتقدم للمحاكمة فى محكمة بتهمه استغلال السلطة والفساد
يبقى كدة الرئيس بقى مواطن عادى
ساعتها مش هتفرق مين اللى جاى بعد كدة لان الناس مش مش هتخاف وهتعرف تاخد حقها
إرسال تعليق